शरीरलाई आवश्यक पोषण तत्वहरु पुगेन भने बालबालिकाहरुमा कुपोषण हुने तथा विभिन्न किसिमका रोग तथा संक्रमणको जोखिम हुने गर्छ ।
कुपोषण भएमा बालबालिकाको शरीरको तौल कम हुने, छाला खुम्चिएर चाउरी पर्ने गर्छ । यस्तै कुपोषण भएको बालकालिकालाई झाडापखला लाग्ने गर्छ ।
यो त भयो बालबालिकालाई सही मात्रामा पोषक तत्व नपुग्दा हुने असरहरु । तर, तपाईंलाई थाहा छ ? पोषण तत्व भएका खानेकुरा धेरै खुवाउदा पनि बालबालिकाको स्वास्थ्यमा असर पुर्याउँछ ।
धेरै पोषणयुक्त खानेकुरा खान दिदैमा बालबालिका स्वास्थ्य हुँदैनन् । बालबालिकालाई स्वस्थ राख्नका लागि सन्तुलित मात्रामा पोषक तत्व भएका खानेकुरा खुवाउनुपर्छ ।
उमेर अनुसार शरीरलाई आवश्यक पर्ने पोषक तत्व बढी भएमा शरीरमा विभिन्न किसिमका विकृतिहरु पैदा हुन्छ । पोषक तत्व बढी हुनु भनेको अधिक पोषण हुनु हो ।
अधिक पोषणले हुने स्वास्थ्य समस्या
मोटोपना
बालबालिकालाई उनीहरुको उमेरबारे ख्याल नै नगरी धेरै पोषणतत्व भएको खाना खुवाउँदा बालबालिकामा मोटोपनाको समस्या देखिन्छ । बाल्यकालदेखि नै मोटोपनाको समस्या भएमा त्यस्ता बालबालिकालाई पछि विभिन्न किसिमका रोगहरुको जोखिम उच्च हुन्छ ।
मुटुरोग
बालबालिकालाई पोषण तत्व बढी भएमा उनीहरुलाई मुटुरोगको जोखिम उच्च हुन्छ । बालबालिकालाई मुटुरोगबाट बचाउँन उनीहरुको उमेर अनुसार आवश्यक पर्ने मात्रा खाना खुवाउनुपर्छ ।
उच्च रक्तचाप
अधिक पोषणले बालबालिकामा उच्च रक्तचापको समस्या देखिन्छ ।
मधुमेह
बालबालिकाको शरीरलाई आवश्यक पर्ने भन्दा बढी पोषण तत्व भएमा उनीहरुमा मधुमेहको समस्या बाल्यकालदेखि नै देखिन सक्ने सम्भावना अधिक हुन्छ । सानोमा धेरै मोटोपना भएको बालबालिकामा वयस्कमै मधुमेह हुने सम्भावना बढी हुन्छ ।
जोर्नी तथा पिठ्यु दुख्ने
अधिक पोषणले बालबालिकाको शरीरमा अनावश्यक मांशपेसीको मात्र बढ्छ । तर उनीहरुको शरीरमा हड्डीको विकास उमेर अनुसार नै भइरहेको हुन्छ । जसले गर्दा बालबालिकामा जोर्नी तथा पिठ्यु दुख्ने समस्या हुन्छ ।
हाड जोर्नी
अधिक पोषणले बालबालिका धेरै मोटा हुन्छन् । जसले गर्दा बालबालिकामा हाडजोर्नीको समस्या देखिन सक्छ ।
पित्तथैली र पाचन प्रणाली सम्बन्धी समस्या
अधिक पोषणले बालबालिकाको पित्तथैली र पाचन प्रणालीमा समस्या ल्याउँछ ।
प्रतिक्रिया