मोरङ–कोरोना महामारीबीच खुलेको मोरङको रंगेली नगरपालिकास्थित एक विद्यालय विद्यार्थीमा उच्च ज्वरोको समस्या देखिएपछि विद्यालय बन्द गरिएको छ ।

रंगेली नगरपालिका–४ आमतोलास्थित जनता माध्यमिक विद्यालयका कक्षा १ देखि ६ सम्मका ५५ जना विद्यार्थीहरुमा उच्च ज्वरोको समस्या देखिएपछि कोरोना संक्रमणको आशंकामा विद्यालय बन्द गरिएको छ ।

८ देखि १२ वर्षसम्मका बालबालिकालाई १ सय डिग्रीभन्दा बढी ज्वरो आएको विद्यालयका शिक्षकले बताएका छन् ।

विद्यालयका प्रधानाध्यापक सेवन्त गौतमका अनुसार कोभिडको समयमा बिहान प्रार्थनाको समयमा सहभागी विद्यार्थीहरुको ज्वरो मापन गर्दा ती विद्यार्थीहरुलाई ज्वरो देखिएपछि नगर शिक्षासँग समन्वय गरेर तीन दिनसम्मका लागि विद्यालय बन्द गरिएको हो ।