काठमाडौं- नेपालमा पछिल्लो २४ घण्टामा २६ जना कोरोना संक्रमितको मृत्यु भएको छ।
यो सँगै नेपालमा कोरोना संक्रमित मृतकको संख्या ७ सय ९१ पुगेको स्वास्थ्य तथा जनसंख्या मन्त्रालयले जनाएको छ।
यसअघि मंगलबार ८ जना कोरोना संक्रमितको मृत्यु भएको थियो।
गत २४ घण्टामा ५ हजार ७४३ जना जना भेटिएसँगै संक्रमितको संख्या १ लाख ४४ हजार ८७२ पुगेको छ। कुल संक्रमितमध्ये ४४ हजार ४७६ जना सक्रिय संक्रमित छन्।
कोरोनाको आशंकामा गत २४ घण्टामा २० हजार ११८ जनाको पिसिआर परीक्षण भएको छ। हाल ४ हजार ६५ जना क्वारेन्टाइनमा रहेको मन्त्रालयले जनाएको छ।
प्रतिक्रिया