‘हिम चितुवा’ भनिने पर्वतारोही आङरिता शेर्पाको निधन

५ आश्विन २०७७, सोमबार

पढ्न लाग्ने समय : < 1 मिनेट

काठमाडौं – दशपटकसम्म विनाअक्सिजन सगरमाथा आरोहण गरेका ‘हिम चितुवा’ उपनामले परिचित पर्वतारोही आङरिता शेर्पाको निधन भएको छ ।

नेपाल पर्वातारोण संघका पूर्वअध्यक्ष आङछिरिङ शेर्पाले सोमबार विहान १० बजे उनको निधन भएको पुष्टि गरे ।

उनको जोरपाटीस्थित आफ्नी छोरीको घरमा निधन भएको हो ।

लामो समयदेखि लिभर र ब्रेन सम्बन्धी समस्याबाट पीडित शेर्पाले विनाअक्सिजन १० पटकसम्म सगरमाथा आरोहण गरेर विश्व रेकर्ड राखेका थिए ।

आङरिताले पर्वतारोहीको हितमा सरकारले केही नगरेको भन्दै गुनासो गर्दै आएका थिए ।

प्रकाशित मिति : ५ आश्विन २०७७, सोमबार १ : ०३ बजे

प्रतिक्रिया