काठमाडौं- चैत ११ गतेदेखि लगाइएकाे लकडाउन सरकारले आज मंगलबार रातिबाट अन्त्य भएको घोषणा गरे पनि सप्तरीको राजविराज नगरपालिकामा भने जारी रहने भएको छ ।

नगरपालिकाले आज एक विज्ञप्ति जारो गर्दै साउन ७ गतेदेखि अर्को सूचना जारी नभएसम्म नगरपालिका क्षेत्रमा पूर्ण रुपमा लकडाउन गर्ने निर्णय गरेको गरेको हो ।

नगर प्रमुख शम्भुप्रसाद यादवले बुधबारबाट राजविराज नगर क्षेत्रमा पूर्ण लकडाउन गर्ने निर्णय गरेको जनाएका हुन्।

विज्ञप्तिमार्फत अत्यावश्यक सेवाबाहेक सम्पूर्ण बजार, पसल, व्यवसाय, सरकारी तथा गैरसरकारी कार्यालय र वित्तीय संस्थाहरु बन्द गर्न नगरबासीसँग अनुरोध गरेका छन्।

भारतबाट फर्किएका एक वृद्धको कोराना संक्रमणपछि मृत्यु भएको र उनको परिवारमा सबैलाई संक्रमण पुष्टि भएपछि राजविराज नगर क्षेत्रलाई पूर्ण लकडाउन गरेको नगर प्रमुख यादवले जानकारी दिए।