ढुंगा खसेर अवरुद्ध भएको सडक खुलाउन प्रयास जारी

६ श्रावण २०७७, मंगलबार

पढ्न लाग्ने समय : < 1 मिनेट

पोखरा – पर्वतको कुश्मा नगरपालिका–२, नयाँ पुलको सडकमा ठूलो ढुंगा खस्दा यातायात अवरुद्ध भएको छ । उक्त सडक अहिले खुलाउने प्रयास भइरहेको छ ।

अविरल वर्षाका कारण गएराति बाग्लुङ–पोखरा सडकखण्डमा ठूलो ढुंगा खसेको थियो । अवरुद्ध सडक पन्छाउन स्काभेटरको प्रयोग गरेर ढुंगा फाल्ने प्रयास भइरहेको छ ।

जिल्ला प्रहरी कार्यालय, पर्वतबाट गएको ५ जनाको टोलीले सडक खुलाउने प्रयास जारी राखेको प्रहरीले जनाएको छ ।

प्रकाशित मिति : ६ श्रावण २०७७, मंगलबार ११ : १२ बजे

प्रतिक्रिया