ओखलढुङ्गा- ओखलढुङ्गामा पहिलो पटक एक जनामा कोरोना भाइरसको सङ्क्रमण पुष्टि भएको छ ।

लिखु गाउँपालिकाका एक २८ वर्षीय पुरुषमा कोरोना सङ्क्रमण पुष्टि भएको हो ।

भारतबाट फर्किएका उनको पीसीआर रिपोर्ट पोजेटिभ आएसँगै आज साँझ ओखलढुङ्गामा कोरोना सङ्क्रमित भेटिएको जिल्ला स्वास्थ्य प्रमुख सुमन तिवारीले जानकारी दिए ।

सङ्क्रमित लिखु गाउँपालिकाको क्वारेन्टिनमा छन् । भारतको गोरखपुरबाट आएका ती युवकलाई सीधै क्वारेन्टिनमा राखिएको थियो । उनी एक हप्ताअघि जिल्ला आएका हुन् ।

आज पीसीआर रिपोर्ट आएका ६ जनामध्ये एक जनाको पोजेटिभ रिपोर्ट आएसँगै जिल्लामा पहिलो पटक कोरोना संक्रमित भेटिएका हुन् । यसअघि ओखलढुङ्गा जिल्लाका कसैलाई कोरोना संक्रमण देखिएको थिएन ।

योसँगै नेपालमा ७६ जिल्लामा कोरोना भाइरसको संक्रमण फैलिएको छ । अब बाँकी रसुवा मात्र रहेको छ । हालसम्म रसुवामा कुनै पनि कोरोना संक्रमित फेला पेरका छैनन् ।

आज स्वास्थ्य तथा मन्त्रालयले मुस्ताङमा पनि एक जनामा कोरोना पुष्टि भएको जानकारी दिएसँगै संक्रमण फैलिएका जिल्लाको संख्या ७५ पुगेको थियो ।