काठमाडौं – नयाँ सुरक्षा कानून कार्यान्वयनका लागि चीनले हङकङमा कार्यालय स्थापना गर्ने भएको छ ।
राष्ट्रिय सुरक्षामा खतरा हुने खालका अपराध रोक्नका लागि सो सम्बन्धी कूटनीतिक तथा गोप्य सूचनाहरु संकलन गर्नका लागि बेइजिङले हङकङमा नयाँ सुरक्षा कार्यालय स्थापना गर्न लागेको बीबीसीले जनाएको छ ।
चीनले कार्यान्वयन गर्ने तयारी गरेको नयाँ सुरक्षा कानूनलाई लिएर हङकङमा विरोध प्रदर्शन भइरहेका बेला चीनले कार्यालय स्थापना गर्न लागेको हो ।
नयाँ कानूनले हङकङको स्वतन्त्रता खोस्ने आलोचनाकाबीच चीनले विखण्डनकारी गतिविधि रोक्नका लागि भन्दै एक महिनाअघि नेशनल पिपुल्स कंग्रेसबाट नयाँ सुरक्षा कानून पारित गरेको थियो ।
प्रतिक्रिया