काठमाडौं– शुक्रराज ट्रपिकल तथा सरुवा रोग अस्पतालमा उपचारत ४ जना कोरोना संक्रमित निको भएका छन् ।

अस्पतालका निर्देशक डा. सागर राजभण्डारीले अस्पतालमा उपचारत ५ जना कोरोना संक्रमित मध्ये ४ जना निको भएको बताएका हुन् ।

डा भण्डारीका अनुसार उनीहरुको पछिल्लो दुई पटक गरिएको कोरोना परीक्षणको रिपोर्ट नेगेटिभ आएको हो । कोरोना परीक्षणको रिपोर्ट नेगेटिभ आएपनि उनीहरुलाई अहिले अस्पतालले डिस्चार्ज गर्दै छ ।

‘हाम्रो अस्पतालमा ४ जना कोरोना संक्रमित निको भएर अहिले डिचार्ज हुँदैछन्,’ अस्पतालका निर्देशक डा राजभण्डारीले भने, ‘उहाँहरुको पछिल्लो दुईपटकको परीक्षणको रिपोर्ट नेगेटिभ आएपछि हामीले आज डिस्चार्ज गर्न लागेका हौं ।’

योसँगै नेपालमा कोरोना संक्रमित ४९ जना निको भएका छन् ।