काठमाडौं– उदयपुरमा थप ८ जनामा कोरोना संक्रमण पुष्टि भएसँगै नेपालमा कोरोना भाइरस संक्रमितको संख्या ४० पुगेको छ ।

धरानस्थित बीपी कोइराला स्वास्थ्य विज्ञानमा गरिएको पीसीर परीक्षणबाट उदयपुरका ८ जना व्यक्तिमा कोरोना संक्रमण पोजेटिभ देखिएको हो । स्वास्थ्य मन्त्रालयका प्रवक्ता विकास देवकोटाका अनुसार बीपी कोइराला स्वास्थ्य विज्ञान प्रतिष्ठानमा गरिएको परीक्षणमा ८ जना मै कोरोना पोजेटिभ देखिएको हो ।

स्वास्थ्य मन्त्रालयका प्रवक्ता डा देवकोटाले खबरहबसँग भने, ‘वीपी कोइरालामा गरिएको परीक्षणमा ८ जनामै कोरोना पोजेटिभ देखिएको हो । सबैजना पुरुष छन् भन्ने कुरा आएको छ । उनीहरुको विषयमा थप जानकारी लिन लागिरहेका छौं ।’

उनीहरुको यसअघि केशी प्रादेशिक अस्पतालमा गरिएको परीक्षणको नतिजा संकास्पद आएपछि  थ्रोड स्वाब धरान लगेर पुनः पीसीआर विधिबाट परीक्षण गरिएको हो । ८ जना संक्रमतिलाई अहिले बीपी कोइराला स्वास्थ्य विज्ञान प्रतिष्ठानको आइसोलेसनमा राख्ने तयारी भइरहेको छ ।

बीवफ कोइराला स्वास्थ्य विज्ञान प्रतिष्ठानमा भएको प्रयोगशालामा पनि उनीहरुको रिपोर्ट पोजेटिभ आएपछि स्वास्थ्य मन्त्रालयले ८ जना नयाँ संक्रमित थपिएको पुष्टि गरेको हो ।

यसअघि आजको पत्रकार सम्मलेनमा पनि उदयपुरका थप एकजना कोरोना संक्रमित थपिएको स्वास्थ्य मन्त्रालयले जनाएको छ । राष्ट्रिय जनस्वास्थ्य प्रयोगशालामा गरिएको परीक्षणमा उदयपुरकै ३३ वर्षीया पुरुषमा कोरोना संक्रमण पोजेटिभ देखिएको हो ।

नेपालमा कोरोना कोरोनाको संक्रमण देखिएकामध्ये ५ जना निको भएर घर फर्किसकेका छन् । बाँकी ३५ जना विभिन्न अस्पतालमा उपचारत छन् ।