काठमाडौं – विश्वभर महामारीको रुपमा फैलिएको कोरोना भाइरस विरुद्धको (कोभिड – १९) दक्षिण एसियाली आपतकाल कोषमा १० करोड रुपैयाँ जम्मा गर्ने घोषणा गरेपछि भारतीय प्रधानमन्त्री नरेन्द्र मोदीले समकक्षी केपी शर्मा ओलीको प्रशंसा गरेका छन् ।
सामाजिक सञ्जाल ट्वीटरमार्फत मोदीले कोरोना भाइरसविरुद्ध सार्क राष्ट्रको साझा लडाईंमा प्रधानमन्त्री ओलीको यो कदमले मद्दत मिल्ने विश्वास ब्यक्त गरेका छन् ।
Deeply appreciate PM @kpsharmaoli’s announcement of contribution of NPR 10 crores to the COVID-19 Emergency Fund. It reflects Oli Ji’s commitment and support to the collective fight of SAARC countries against the pandemic.
— Narendra Modi (@narendramodi) March 20, 2020
सार्क राष्ट्रका राष्ट्र तथा सरकार प्रमुखबीच गत आइतबार भएको भिडियो कन्फरेन्समा भारतीय प्रधानमन्त्री मोदीले इमर्जेन्सी फण्डमा १० मिलियन अमेरिकी डलर भारतले राख्ने र अरु राष्ट्रले पनि स्वयंसेवी योगदानका आधारमा रकम जम्मा गर्न सक्ने प्रस्ताव राखेका थिए ।
प्रतिक्रिया