काठमाडौँ– प्रधानमन्त्री केपी शर्मा ओलीले निर्वाचनका आयोगका पदाधिकारीसँग छलफल गरेका छन्।

प्रतिनिधिसभा विघटनपछि आउँदो निर्वाचनका विषयमा प्रधानमन्त्री ओलीले आयोगका पदाधिकारीसँग बालुवाटारमा छलफल गरेका हुन ।

आयोगका प्रमुख आयुक्त दिनेश थपलिया र आयुक्तहरूसँग प्रधानमन्त्रीले छलफल गरेको प्रधानमन्त्रीका प्रेस सल्लाहकार सूर्य थापाले जानकारी दिए ।

छलफलमा सरकारका तर्फबाट प्रधानमन्त्रीसहित गृहमन्त्री रामबहादुर थापा र अर्थमन्त्री विष्णु पौडेल समेत सहभागी भएका थिए।

आइतबार बिहान बसेको मन्त्रिपरिषद् बैठकको सिफारिसपछि राष्ट्रपति विद्यादेवी भण्डारीले आइतबार दिउँसो प्रतिनिधि सभा विघटन गरेकी थिइन्।

उनले १७ र २७ वैशाख २०७८ मा प्रतिनिधि सभाको निर्वाचन घोषणा गरिसकेकी छन्।