मुम्बई – कलाकार पायल घोषले निर्देशक अनुराग कश्यममाथि यौन शोषणको आरोप लगाएकी छिन् ।

पायलले ट्वीटरमार्फत अनुराग कश्यपले जबरजस्ती गरेको आरोप लगाएकी हुन् । उनले ट्वीटरमा लेखिन्, ‘अनुराग कश्यमले मसँग जबरजस्ती गरे, नरेन्द्र मोदी जी तपाईंसँग मेरो अनुरोध छ कि, यिनका विरुद्ध कारवाही होस्, ताकि देशलाई उनको हर्कतको थाहा होस् ।’

उनले यो खुलासा गरेकाले आफ्नो सुरक्ष खतरामा परेको भन्दै मद्दत समेत मागेकी छिन् ।

अहिलेसम्म पायलले अनुराग कश्यपविरुद्ध उजुरी दर्ता गराएकी छैनिन् । यता राष्ट्रिय महिला आयोगकी अध्यक्ष रेखा शर्माले पायल घोषसँग यसबारेमा पूरै जानकारी मागेकी छिन् ।

साथै पायलको समर्थन गर्दै कलाकार कंगना रनावतले पनि अनुराग कश्यपलाई पक्राउ गर्नुपर्ने माग गरेकी छिन् ।

अनुराग कश्यपले भने यसलाई ‘आक्रमण भएको’ प्रतिक्रिया दिएका छन् ।

कश्यपले लगातार चारवटा ट्वीट गर्दै भनेका छन्, ‘अझै त धेरै आक्रमण हुनेवाला छ, यो त शुरुवात मात्र हो, नबोल् भनेर धेरै फोन पनि आइरहेको छ, यो पनि थाहा छ– थाहा छैन, कहाँ कहाँबाट तीर छोड्ने वाला छन्, प्रतीक्षामा छु ।’

खख