दोहा- कतारका लागि नेपाली राजदूत डा.नारदनाथ भारद्वाजले नेपाली समुदायले कतारको विकासमा पुर्‍याएको योगदानको कतार सरकारले उच्च प्रशंसा गरेको बताएका छन् ।

नेपालको छैठौ संविधान तथा राष्ट्रिय दिवसको अवसरमा कतारस्थित नेपाली दूतावासले आयोजना गरेको एक संक्षिप्त समारोहलाई सम्बोधन गर्दै राजदूत भारद्वाजले कतारले आफ्नो मूलुकका श्रमिकलाई प्राथमिकतासँगै प्रशंसा पनि गरेको बताएका हुन् ।

नेपाल र कतारबीच कुटनीतिक सम्बन्ध कायम भएदेखिको सम्बन्ध अझै प्रगाढ हुँदै गएको बताउँदै उनले कतारले गरेको विकासबाट नेपालले पनि सिक्न पर्ने बताए ।

कतार सरकारको स्वास्थ्य सतर्कताका प्रावधान पालना गरेको आयोजना गरिएको कार्यक्रममा सीमित संख्यामा गैरआवासीय नेपाली तथा नेपाली समुदायका प्रतिनिधिहरूको सहभागिता रहेको थियो ।