काठमाडौं – साढे ७ महिनादेखि फैलिएको कोरोना भाइरसको संक्रमणले ब्राजिलमा एकै दिन ४८ हजार संक्रमित थपिएका छन् ।
बिहीबार यो समाचार तयार पार्दासम्म पछिल्लो २४ घण्टामा ४८ हजार ५४१ जना संक्रमित थपिएका हुन् । योसँगै ब्राजिलमा संक्रमित हुनेको संख्या ३४ लाख ६० हजार ४१३ पुगेको छ ।
यस्तै एकै दिन १ हजार १७० जनाको मृत्यु भएको छ । योसँगै ब्राजिलमा कोरोना भाइरसको संक्रमणले ज्यान गुमाउनेको संख्या १ लाख ११ हजार १८९ पुगेको छ।
अमेरिकापछि सबैभन्दा बढी संक्रमण देखिएको ब्राजिलमा २६ लाख १५ हजार २५४ जना संक्रमणमुक्त भएका छन् भने ७ लाख ३३ हजार ९७० जनाको उपचार भइरहेको छ ।
प्रतिक्रिया