काठमाडौं– आफ्ना नागरिकको उद्धारका लागि रुसले विमान नेपाल पठाएको छ । रसियाली नागरिकलाई उद्धार गर्नको लागि मस्कोबाट रोयल फ्लाई एयरलाइन्सको विमान आज काठमाडौं आएको हो ।
लकडाउनका कारण नेपालमा रहेका रसियन नागरिकलाई स्वदेश फिर्ता लैजानका लागि बोइङ–७५७ विमान आएको हो ।
यो जहाज त्रिभुवन अन्तर्राष्ट्रिय विमानस्थलमा अवतरण भएको छ ।
नागरिक उड्डयन प्राधिकरणका प्रवक्ता राजकुमार क्षेत्रीका अनुसार उक्त विमानले १ सय ४३ रसियन नागरिकलाई उद्धार गरेर १२ : ३०मा मस्कोका लागि उडान भर्ने छ ।
काठमाडौंमा रहेको रसियन दूतावासले आफ्ना नागरिक फिर्ता पठाउनको लागि सो विमान चार्टर गरेको हो ।
प्रतिक्रिया