काठमाडौं- विश्व अहिले कोरोनाभाइरस महामारीकाे चपेटामा छ । यो कहालीलाग्दो अवस्थामा विभिन्न मिडियाहरु तथा सामाजिक सञ्जालमा अपवाह फैलाउने भ्रामक समाचारहरु प्रकाशित भइरहेका छन् ।

यसले स्वयं व्यक्तिलाई असर पर्छ नै । पाठकमाझ पनि यसले थप अन्योलता पैदा गराइदिएको छ । जसका कारण मानिसमा त्रासदीपूर्णको अवस्थामा बनेको छ ।

कोरोनाका कारण अहिले सबैभन्दा बढी संक्रमित मुलुकमा अमेरिका देखिएको छ । अमेरिकामा ठूलो संख्यामा नेपालीहरु रहेका कारण त्यहाँको अवस्थाबारे नेपालीहरुलाई चासो र चिन्ता बढ्नु स्वभाविक हो ।

हालै अमेरिकामा एक नेपाली गर्भवती महिला कोरोना संक्रमणसँग लड्दै गरेको तस्वीर सामाजिक सञ्जालमा भाइरल बन्यो ।  अधिकांशले उनको शीघ्र स्वास्थ्य लाभको कामना गरे ।

कतिपय मिडियाहरुले यसैलाई आधार मानेर समाचार समेत प्रकाशित गरे । धेरैले सामाजिक सञ्जालमा ती महिला गर्भवती भएको र उनका लागि प्राथना गर्न आग्रह गरे ।

तर बुझ्दै जाँदा ती महिला अमेरिकामा रहेकी नेपाली नरहेको पुष्टि भएको छ । त्यतिमात्र नभएर उक्त तस्वीर हालसालैको नभएको समेत प्रमाणित भएको छ ।

सन् २०१५ मा प्रकाशित समाचारहरुमा यो तस्वीर सिंगापुरको रहको र कवालजीत कौर नामकी ती महिला सिंगापुरमा काम गर्ने विदेशी घरेलु कामदार रहेको उल्लेख छ । यो तस्वीरसहितको समाचार त्यतीबेला पञ्जाब र सिंगापुरका केही अनलाइनले प्रकाशित गरेका थिए ।

बास्तविकता के हो यो समाचार हेर्नुस् । यो समाचार सन २०१५ मा प्रकाशित भएको थियो ।

मस्टसेयरन्यूज डटकमले ती महिलाको समाचार प्रकाशित गर्दै त्यो समयमा अस्पतालमा उपचार गराइरहेको अस्पतालको रिपोर्ट समेत सार्वजनिक गरेको थियो । अस्पतालकाे रिपोर्ट यस्तो छ-

यीनै महिलाकाे तस्वीर राखेर सन २०१५ मै एसिया समाचार डट कम अनलाइनले पनि अर्को समाचार प्रकाशित गरेको छ । जुन समाचार पढ्नको लागि उक्त समाचारको शीर्षकमा क्लिक गर्नुस्- Raising funds for Singapore maid in distress

कवालजीत कौर मस्तिष्कको धमनीमा आएको समस्याका कारण अस्पतालमा भर्ना भएकी थिइन् । त्यतीबेला यो तस्वीर पोष्ट गरेर फेसबुक पेज र क्राउड फण्डबाट रकम संकलन गरिएको थियो ।

ती महिला सिंपागुरको अस्पतालमा भर्ना भएको सन् २०१५ मा भेन्टिलेटरमा राखेर उपचार गरिएको थियो । उनलाई सिंगापुरको चांगी अस्पतालमा भर्ना गरिएको थियो ।

वास्तविकता थाहा नपाएर हावा जता चल्छ उतै बतासिनेहरुले सामाजिक सञ्जाल फेसबुक तथा फेसबुक ग्रुपमा पोस्ट गरेका केही तस्वीर यस्ता छन् –