पाकिस्तान– विश्वव्यापी महामारीको रुपमा फैलिएको कोरोना भाइरसको संक्रमण पाकिस्तानमा पनि बढ्दो रुपमा देखिएको छ ।
पाकिस्तानमा पछिल्लो २४ घण्टामा २५ जनाले ज्यान गुमाएसँगै मृत्यु हुनेको संख्या १६८ पुगेको छ ।
पाकिस्तानमा एकैदिन ७१० जनामा संक्रमण देखिएसँगै संक्रमित हुनेको संख्या ८ हजार ३४८ पुगेको छ ।
पाकिस्तानमा संक्रमितमध्ये १ हजार ८६८ जना उपचारपछि निको भएका छन् । ६ हजार ३१२ उपचाररत छन् । उनीहरुमध्ये ४६ जनाको अवस्था गम्भीर रहेको जनाइएको छ ।
सार्क राष्ट्रमा भारत पछि पाकिस्तानका कोरोना भाइरसको संक्रमण दर तीव्र देखिएको छ ।
प्रतिक्रिया