काठमाडौं– प्रधानमन्त्री केपी शर्मा ओलीको देशवासीको नाममा सम्बोधन शुरु भएको छ ।

कोरोना भाइरसले विश्वव्यापी महामारीको रुप लिएको र नेपालमा समेत त्रास फैलिरहेका बेला प्रधानमन्त्री ओलीले देशवासीका नाममा सम्बोधन गरिरहेका छन् ।

कोरोनाभाइरस संक्रमणको जोखिम तथा न्यूनीकरणका विषयमा सम्बोधन थालेका हुन् ।

विश्व स्वास्थ्य संगठनले नेपाललाई कोरोनाभाइरस संक्रमणको उच्च जोखिमको सूचीमा राखेसँगै संक्रमण रोक्न नेपालले विभिन्न गतिविधि गरिरहेको छ । सरकारले २५ जना भन्दा बढीलाई एकै ठाउँमा जम्मा नहुन निर्देशन दिइसकेको छ भने विभिन्न शैक्षिक संस्थाहरु बन्द गरिएका छन् । लोकसेवा आयोग लगायतका परीक्षाहरु पनि स्थगित गरिएका छन् । सरकारले ओपीडी र अप्रेसन बन्द गर्न अस्पतालहरुलाई स्वास्थ्य मन्त्रालयको निर्देशन दिइसकेको छ ।