काठमाडौं –  डेनिस फरवार्ड मार्टिन ब्रेथवेइटे स्पेनिस क्लब बार्सिलोनामा अनुबन्धित भएका छन ।

२८ वर्षे फरवार्ड मार्टिनलाई बार्सिलोनाले लेगानेसबाट अनुबन्धन गरेको हो । मार्टिनले बार्सिलोनासँग सन् २०२४ को जुन ३० सम्मको सम्झौता गरेका छन् ।

बार्सिलोनाले मार्टिनलाई १५ मिलियन पाउण्डमा क्लबमा भित्र्याएको हो । खेलाडी अनुबन्धको समय सकिए पनि विशेष आग्रहपछि ला लिगाले बार्सिलोनालाई अनुबन्धको अनुमति दिएको थियो ।

फरवार्ड लुइस स्वारेज र ओसुमाने डेम्बेले चोटका कारण लामो समय मैदान बाहिर रहने भएपछि बार्सिलोनाले फरवार्ड अनुबन्धको लागि आग्रह गरेको थियो ।

स्वारेजले यस सिजन गुमाउने छन् भने डेम्बेले ६ महिना मैदान बाहिर रहने छन् । मार्टिनले यस सिजन लेगानेसका लागि २४ खेलमा ६ गोल गरेका थिए ।