काठमाडौं– नेपालस्थित स्वीजरल्याण्ड दूतावासले सेक्युरिटी प्रेस स्थापनाका लागि सञ्चारमन्त्री गोकुल बाँस्कोटाले ७० करोड कमिसन मागेको प्रकरणमा आफूहरुको कुनै सम्बन्ध नभएको जनाएको छ ।
सञ्चारमन्त्री बाँस्कोटा र आफूलाई स्वीजरल्याण्डको केबीए–नोटासिसका प्रतिनिधि बताउने विजयप्रकाश मिश्रबीचको टेलिफोन संवादमा मिश्रले सेक्युरिटी प्रेस खरिदको विषयमा स्वीस दूतावामा छलफल भएको बताएका छन् ।
तर, नेपालस्थित स्वीस दूतावासले भने नेपालमा आफ्नो देशको कुनै त्यस्तो एजेण्ट नभएको पनि प्रस्ट पारेको छ ।
दूतावासले बिहीबार एक विज्ञप्ती जारी गर्दै समाचारमा उल्लेखित विषयसँग सम्बन्धित कुनै पनि छलफल नभएको र भविष्यमा पनि नहुने जनाएको छ ।
प्रतिक्रिया