वीरगन्ज– प्रहरीका असई (सहायक निरीक्षक) बनाइदिन्छु भन्दै ठगी गर्ने दल नेपाल कम्युनिस्ट पार्टी (नेकपा)का नेता पक्राउ परेका छन् ।
नेकपाको प्रदेश नम्बर २ को प्रदेश कमिटी सदस्य रहेका रामबाबु बैठा पीडित पक्षको उजुरीका आधारमा पक्राउ परेका हुन् ।
रौतहटको मौलापुर–७ का प्रदीप कुमार साह कानुले दिएको उजुरीका आधारमा बैठालाई पक्राउ गरिएको जिल्ला प्रहरी कार्यालय पर्साले जानकारी दिएको छ ।
कानुले बैठासँगै सुनिल चौरसियाविरुद्ध पनि उजुरी दिएका थिए । पर्सा प्रहरीले बैठा र चौरसियाविरुद्ध ठगी मुद्दामा अनुसन्धान शुरु गरेको थियो ।
प्रहरीका अनुसार नेकपा नेता बैठाले असई बनाइदिन्छु भन्दै ५ लाख रुपैयाँ लिएको पीडित पक्षको दाबी छ ।
प्रतिक्रिया