काठमाडौं- बिहानैदेखि पार्टीका नेताहरूसँगको छलफलमा जुटेका प्रधानमन्त्री समेत रहेका नेपाल कम्युनिस्ट पार्टी (नेकपा)का अध्यक्ष केपी शर्मा ओलीले शनिबार साँझ राष्ट्रपति विद्यादेवी भण्डारीसँग भेटवार्ता गरेका छन् ।

भेटका विषयमा केही नखुलाइए पनि पार्टीभित्रको विवाद र संवैधानिक परिषद् सम्बन्धी अध्यादेशको विषयमा छलफल भएकाे बुझिएको छ ।

करीब एक घण्टा राष्ट्रपति भण्डारीसँग भेटवार्ता गरी प्रम ओली बालुवाटार फर्किएका थिए ।  नेकपा विवाद चरम उत्कर्षमा पुगेका बेला प्रधानमन्त्री ओलीको दौडधुपलाई अर्थपूर्ण रुपमा हेरिएकाे छ ।

प्रधानमन्त्री ओलीले आजै  कार्यकारी अध्यक्ष पुष्पकमल दाहाल ‘प्रचण्ड’लाई भेटेका थिए । त्यसलगत्तै उनले गृहमन्त्री  रामबहादुर थापालगायतका मन्त्रीसँग समेत भेटवार्ता गरेका थिए ।

अध्यक्ष दाहालसँगको भेटमा ओलीले ‘प्रस्ताव’ फिर्ता लिन पुरानै अडान दोहोर्‍याएका थिए ।

यो पनि पढौँ

ओलीको भेटघाटले साम्य होला नेकपाको विवाद ?