काठमाडौं- घरमा पालिने जनावहरु मालिकप्रति निकै वफादार हुन्छन् भन्ने कुरा धेरैलाई थाहा भएकै कुरा हो । घरमा पालिएका कुकुरले मालिकप्रति कति वफादारिता देखाउँछन् भन्ने कुरा पनि तपाइँ हामीले देखेकै विषय हो ।

हाल कुकुरले नभएर एउटा पन्छी अर्थात सुगाले मालिकप्रति निकै ठूलो गुन लगाएको विषय सामाजिक सञ्जालमा भाइरल बनेको छ ।

एक घटनामा उक्त सुगाले मालिकको ज्यान जोगाएको हो ।

जब घरमा मालिक सुतिरहेका थिए, तब आगो लाग्न शुरु भयो । सुगाले कराउँदा-कराउँदा आफ्नो मालिकलाई बचाउन सफल भएको हो ।

यसको भिडियो ‘सोसल मिडिया’मा अत्याधिक भाइरल बनिरहेको छ । यो घटना क्वीसल्याण्ड राज्यको कंगारु क्षेत्रको हो ।

जहाँको स्याल्स्टोन स्ट्रीटमा न्गूयेन बस्ने गर्दथे । उनी घरमा एक्लै थिए । उनको एउटा साथी ‘एरिक’ नाम गरेको सुगा थियो । जसले उनलाई घरमाआगो लागेपछि चिच्याएर उठाउँदै बचाउन सफल भएको थियो ।