काठमाडौं- नेपालका लागि टिभिएसको आधिकारीक बितरक जगदम्बा मोटर्सले सेवा विस्तारका क्रममा एकैपटक १२ वटा नयाँ शोरुम सञ्‍चालनमा ल्याएको छ ।

कम्पनीले बडा दशैंको अवसर पारेर यी शोरुम सञ्‍चालनमा ल्याएको हो ।

काठमाडौंको महालक्ष्मी स्थान, सानोभर्याङ, महाराजगञ्ज सहितबनेपा, नेपालगंज,कावासोती, तुलसीपुर, फत्तेपुर, भण्डारा, त्रिशुली, उर्लाबारी र अर्घाखाचीमा नयाँशोरुम थपिएको कम्पनीले जनाएको छ । यी शोरुमसहित देशभरमा टिभिएसका १३२ वटा शोरुम पुगेका छन् ।

नयाँशोरुम संचालनमा आएको अवसरमा कम्पनीका भाइस प्रेसिडेन्ट दिपककुमार अग्रवालले टिभिएसको थ्रीएस (सेल्स, सर्भिस, स्पेर्स पार्टस) सहितका सेवा नयाँ शोरुममार्फत नेपालको सबै स्थानमा टिभिएसको प्रोडक्ट पुगेको बताए ।

टिभिएसले १०० सीसीदेखि ३०० सीसी माथिका मोटरसाइकल र स्कुटरहरुको विक्री वितरण गर्दै आएको छ ।

‘एक घर एक टिभिएस‘ मात्र होइन ‘एक व्यक्ति एक टिभिएस’ बनाउने लक्षका साथ अगाडि बढेको उनले बताए ।

टिभिएसले अपाचे सिरिज, स्टाइकर, रेडन लगायतका मोडल एवं एनटर्क, ज्यूपिटर र वीगो जस्ता स्कुटर विभिन्न भेरियन्टमा बिक्री गर्दै आएको जनाएको छ ।