काठमाडौँ– दशैँका लागि खाद्य व्यवस्था तथा व्यापार कम्पनी लिमिटेडले आजदेखि खसीबोका बिक्री गर्न थालेको छ । थापाथलीमा रहेको प्रादेशिक कार्यालय परिसरबाट बिक्री भइरहेको छ ।
प्रतिकिलो ५६० रुपैयाँमा जिउँदो खसीबोका विक्री गरिने कम्पनीले जनाएको छ । निर्धारित मूल्यअनुसार प्रतिकिलो खसीबोकामा १० रुपैयाँ छुट दिइने कम्पनीका सूचना अधिकारी शर्मिला न्यौपानेले जानकारी दिए ।
पहिलो चरणमा दाङबाट दुई सय र मकवानपुरबाट २०५ गरी ४०५ वटा खसीबोका काठमाडौँ ल्याइएको छ । यसपाली एक हजार खसीबोका बिक्री गर्ने तयारी छ ।
हरेक वर्ष दशैँमा सरकारले खसीबोका तथा च्याङ्ग्रा बिक्री गर्दै आएको छ ।
प्रतिक्रिया