धरान- वीपी कोइराला स्वास्थ्य विज्ञान प्रतिष्ठानमा एकजना कोरोना संक्रमितको मृत्यु भएको छ ।

प्रतिष्ठानका सूचना अधिकारी डाक्टर निदेश सापकोटाका अनुसार अस्तपालमा उपचाररत एकजना कोरोना संक्रमित महिलाको मृत्यु भएको हो ।

उनी सुनसरीको धरान–१५ की ७१ वर्षकी महिला हुन् ।

उनको क्वारेन्टिन स्थालबाट स्वाब संकलन गरी साउन २३ गते कोरोना परीक्षण गर्दा रिपोर्ट पोजेटिभ आएको थियो । कोरोनाको लक्षणहरु खोकी लाग्ने, श्वासप्रश्वासमा समस्या र ज्वरो आएपछि उनलाई वीपी कोइरला स्वास्थ्य विज्ञान प्रतिष्ठानमा साउन २४ गते भर्ना गरिएको थियो ।

ती महिलामा पहिलादेखि नै दम र मुटुको समस्या समेत थियो । उनको प्रतिष्ठानमा आज (भदौ ३ गते बिहान ११ बजेर १५ मिनेटमा) मृत्यु भएको डा सापकोटाले बताए ।