काठमाडौं – तीजको रौनक नजिकिँदै गर्दा गायिका सोफिया थापाले तीजको गीत बजारमा ल्याएकी छिन् ।

‘अबको तीज नो ब्रत प्लिज’ बोलको गीत आइतवार (आज) युट्युबमार्फत सार्वजनिक गरिएको हो । गीतमा शब्द तथा संगीत पनि गायिका थापाकै रहेको छ ।

गीतमा महिला र पुरुष बराबर भएको भन्दै अबको तीजमा ब्रत नबस्न गीतमार्फत आह्वान गरिएको छ ।

‘हाम्रो परम्परागत सोच र संस्कारलाई समयअनुकुल रुपान्तरण गर्दै लैजान सक्नुपर्छ, वर्तमान अवस्थामा पनि धेरै महिला श्रीमानको दीर्घायुको कामना गर्दै पानी पनि नपिई व्रत बस्ने संस्कार स्वास्थ्य र समानता दुवैका हिसाबले गलत छ,’ गायिका थापा भन्छिन् ।

यस्तै गीतको भिडियोमा मेनुका थापा, पूजा गहतराज, अनिषा गौतम, वविता धिताल, प्रियंका थापा लगायतले नृत्य गरेका छन् ।

लोकेन्द्र शाहको कोरियोग्राफी रहेको म्युजिक भिडियोको छायांकन, सम्पादन र निर्देशन मनिष पन्तले गरेका हुन् ।