काठमाडौं – दक्षिण भारतीय फिल्मका सुपरस्टार प्रभास र बलिउड अभिनेत्री दीपिका पादुकोणले एउटै फिल्ममा काम गर्ने भएका छन् ।

यी दुईलाई एकसाथ दक्षिण भारतीय फिल्ममा देख्न पाइन भएको हो । फिल्मलाई नाग आश्विनले निर्देशन गर्नेछन् ।

दीपिकाले यो फिल्ममा काम गर्न पाउँदा आफू उत्साहित भएको सामाजिक सञ्जालमार्फत बताएकी छिन् । दक्षिण भारतीय सुपरस्टार प्रभास ‘बाहुबली’ सुपरहिट भएपछि थप चर्चामा छन् ।

प्रभास र दीपिकालाई एकसाथ पर्दामा देख्न पाउने भएपछि फ्यान पनि उत्साहित भएका छन् । भारतीय मिडियाका अनुसार फिल्मको काम आगामी वर्षदेखि थालिनेछ ।

यो फिल्म हिन्दी, तमिल र तेलुगु भाषामा निर्माण गरिने जनाइएको छ । दीपिका पनि फिल्ममा अनुबन्ध भएपछि फिल्मको प्रतीक्षा थप बढेको छ ।