काठमाडौं – इंग्लिस प्रिमियर लिग फुटबलमा बर्नलीले नर्विच सिटीलाई हराएको छ ।

शनिबार राति भएको खेलमा बर्नलीले ९ खेलाडीमा सीमित नर्विचविरूद्ध २-० को सहज जीत हात पार्‍यो ।

घरेलु मैदानमा नर्विच पहिलो हाफमै ९ खेलाडीमा समेटिएको थियो । खेलको ३५औं मिनेट इमिलियानो बुन्डियाले रातो कार्ड पाउँदा घरेलु टोली १० खेलाडीमा समेटिएको थियो ।

४५औं मिनेटमा जोसिप ड्रिमिकले रातो कार्ड पाएपछि नर्विच ९ खेलाडीमा समेटियो ।

जसको फाइदा बर्नलीले उठाउँदै पहिलो हाफको इन्जुरी समयमा क्रिस उडले गोल गर्दै बर्नलीलाई १-० को अग्रता दिलाए ।

त्यसपछि खेलको ८०औं मिनेटमा नर्विचका बेन गडफ्रेले आत्मघाती गोल गरेपछि बर्नली २-० ले विजयी भयो ।

जीतसँगै ५४ अंक जोडेर बर्नली लिगको नवौं स्थानमा उक्लिएको छ । नर्विच २१ अंक जोडेर पुछारमा रहेको छ । नर्विज भने रेलिगेसनमा परिसकेको छ ।