काठमाडौं– गण्डकी प्रदेशमा थप ३२ जनामा कोरोना संक्रमण पुष्टि भएको छ ।

स्वास्थ्य निर्देशनालय गण्डकी प्रदेशले कोरोना संक्रमितको संख्याबारे आफ्नो फेसबुक पेज मार्फत अपडेट गराउँदै थप ३२ जनामा कोरोना संक्रमण पुष्टि भएको जानकारी दिएको हो ।

नयाँ थपिएका संक्रमितहरु बाग्लुङका १० जना, तनहुँका १७ जना र पर्वतका ५ जना छन् ।

नायँ थपिएका संक्रमितमध्ये पर्वतका ५ जना पर्वत अस्पतालमा कार्यरत ३ जना महिला र २ जना पुरुडष स्वास्थ्यकर्मी हुन् । यस्तै अन्य संक्रमितहरु २४ देखि ६० वर्ष सम्मका ४ जना महिला र अन्य ११ वर्षका बालक देखि ५३ वर्ष सम्मका पुरुषहरु रहेका छन् ।

यसअघि आजै बिहान पनि गण्डकी प्रदेशमा २४ जना नयाँ संक्रमित थपिएका थिए । यो सँगै गण्डकी प्रदेशमा कोरोना संक्रमितको संख्या ३८० पुगेको छ ।