काठमाडौं – कोरोना भाइरसको महामारीको कारण स्थगित स्कटल्याण्डको शीर्ष डिभिजन लिग स्कटिस प्रिमियरसिपको सिजन अन्त्य भएको घोषणा गरिएको छ ।
सोमबार बसेको बोर्ड बैठकमा लिगमा सहभागि १२ क्लबले सिजन अन्त्य गर्ने प्रस्तावमा सहमती जनाएलगत्तै स्कटिस प्रिमियरसिपको सिजन अन्त्यको घोषणा गरिएको हो ।
सिजन अन्त्य भएसँगै शीर्ष स्थानको सेल्टिक च्याम्पियन बनेको छ । लिगमा सेल्टिक दोस्रो स्थानको रेन्जर्स भन्दा १३ अंकले अघि रहेको थियो ।
यस्तै पुछारमा रहेको हर्ट्स एफसी रेलिगेसनमा परेको छ । कोरोना भाइरसको महामारीले गत मार्चबाट स्थगित लिग बाँकी खेल नभइ अन्त्य गरिएको हो ।
प्रतिक्रिया