काठमाडौं- लकडाउनका कारण समस्यामा परेका र कम आय भएका व्यक्तिलाई धोविचौरका स्थानीय युवाले दैनिक खाना खुवाउने कार्य शुरु गरेका छन् ।

काठमाडौं महानगरपालिका वडा नम्बर १७ स्थित क्षेत्रपाटी, धोविचौर क्षेत्रका करिब २० जना युवाको सक्रियतामा निम्न आय भएका परिवारलाई दैनिक रुपमा खाना खुवाउने कार्य शुरु भएको हो ।

वैशाख ३ गतेदेखि हरेक दिन साँझ पाँचबजेदेखि ७ बजेसम्म विभिन्न दाताहरुको सहयोगमा खाना विपन्न परिवारलाई खाना खुवाउन शुरु गरिएको आयुष्मान श्रेष्ठले जानकारी दिए ।

दैनिक २ सयदेखि २५० जनालाई खाना खुवाइरहेको उनले बताए ।

खान बनाउने र वितरण गर्ने देखि खाने व्यक्तिहरुको स्थानसम्म पूर्ण रुपमा स्वास्थय सुरक्षा अपनाइएको छ ।

खाना बनाउने र वितरण गर्ने स्थानसम्म स्वास्थ्य पीपीईको प्रयोग गर्ने गरिएको छ । त्यस्तै खाना खान आउनेहरुलाई सामाजिक दूरी बनाएर राख्ने, सावुन पानीले राम्रोसँग हात धुन लागाउने लगायका कार्य गरिएको उनले बताए ।