जनकपुरधाम– कोरोना भाइरसबारे अफवाह फैलाउने गरी समाचार सम्प्रेषण गरेको आरोपमा सिरहा प्रहरीले १ जनालाई पक्राउ गरेको छ ।
पक्राउ पर्नेमा सिरहाको सुखीपुर नगरपालिका–९ घर भएका ३० वर्षीय सुरेश कुमार कर्ण छन् ।
कर्णले सामाजिक सञ्जालमा कोरोना भाइरसबारे अफवाह फैलाउने किसिमले समाचार सम्प्रेषण गरेका प्रहरीको आरोप छ ।
कर्णलाई जिल्ला प्रहरी कार्यालय सिरहाको निर्देशनमा इलाका प्रहरी कार्यालय सुखीपुरले नियन्त्रणमा लिएको हो ।
पक्राउ परेका कर्ण अहिले इलाका प्रहरी कार्यालय सुखीपुरको हिरासतमा छन् । प्रहरीले उनीमाथि थप अनुसन्धान भइरहेको जनाएको छ ।
प्रतिक्रिया