मुम्बई – फेसबूक लाइभमा आपत्तिजनक र अभद्र भाषा प्रयोग गरेको भन्दै भारतीय कलाकार एलाज खानलाई प्रहरीले पक्राउ गरेको छ । बलिउडका यी कलाकारलाई बान्द्राको एक अदालतले २४ अप्रिलसम्म प्रहरी हिरासतमा राख्न आदेश दिएको छ ।

उनलाई ‘हेट स्पीच’ दिएको भन्दै प्रहरीले पक्राउ गरेको हो ।

एनाज खानका तर्फबाट पेश भएका वकिलले बान्द्रा कोर्टको विरोध गरेका थिए । तर, अदालतले उनलाई ६ दिन प्रहरी हिरासतमा रहन आदेश दिएको छ ।

एजाज खानको आपत्तिजनक भिडियोमा सामाजिक सञ्जाल प्रयोगकर्ताहरुले पक्ष र विपक्षको समर्थन लिएका थिए । त्यसपछि एजाजमाथि उजुरी परेको थियो ।

एजाज आफ्नो फेसबूक लाइभमा आएर विभिन्न नेता, राजनीतिक दल र मिडियाकर्मीमाथि खनिएका थिए । उनले प्रयोग गरेको अभद्र व्यवहारले विवादमा तानेको थियो । उनको भिडियोमा प्रयोग भएको भाषालाई लिएर भारतीयहरुले आपत्ति जनाएका थिए ।