काठमाडौं – लकडाउनका कारण फिल्म ‘दुई नम्बरी’ को शूटिङ रोकिएको छ । ३५ दिनमा शूटिङ सकेर काठमाडौं फर्किने योजना बनाएको टिम कोरोना प्रभावका कारण बीचैमा राजधानी फर्किएको थियो ।

फिल्मको छायांकन कास्कीको घाचोकमा भइरहेको थियो । यतिबेला भने कलाकारहरु आ–आफनो घरमा होम क्वारेन्टाइनमा बसेका छन् ।

पल शाह, वर्षा राउत, भुटानी नायिका उगेन छोदेन, दयाहाङ राई लगायतका कलाकारको फिल्ममा शीर्ष भूमिका रहनेछ । पल शाहले फिल्मको सेटको एक तस्वीर हालै शेयर गरेका थिए ।

कोरोनाका कारण फिल्मको छायांकन रोकिएको थियो । निर्देशक दीपेन्द्र लामाले लकडाउन खुल्नासाथ फिल्मको छायांकनमा जुट्ने बताए ।

खबरहबको कुराकानीमा उनले भने, ‘लकडाउन खुलेको दुईचार दिनमै हामी छायांकनमा जान्छौं‌ ।’

एक गाउँका २ जना साथी, उनीहरुको मित्रता र दुश्मनीको कथामा यो चलचित्र बन्न लागेको यो फिल्ममा पल र दयाहाङले पहिलोपटक एकसाथ साझेदारी गर्दैछन् । यो वर्ष यो वर्ष प्रदर्शन गर्ने तयारी थियो । अब भने फिल्मको रिलिज नै अन्यौलमा परेको छ ।