काठमाडौं – एसी मिलानका स्ट्राइकर ज्लाटन इब्राहिमोविचले कोरोना भाईरसको महामारीबाट उपचार गराउन अक्षय कोषको स्थापना गरेका छन् ।
स्विडेनका भेट्रान फरवार्ड इब्राहिमोविचले कोरोनाविरुद्ध लड्न भन्दै अनलाइन अक्षय कोषको स्थापना गरेका हुन् ।
अक्षय कोषको स्थापना गर्दै इब्राहिमोविचले ९१ हजार पाउण्ड दिने घोषणा समेत गरेका छन् ।
इब्राहिमोविचले अक्षय कोषबाट १ मिलियन डलर बढी रकम उठाउने योजना भएको बताएका छन् ।
कोषमा उठेको रकमबाट इटालीको अस्पताल र मेडिकल स्टाफलाई सहयोग गर्ने इब्राहिमोविचले बताएका छन् । उनको अक्षय कोषमा अहिलेसम्म १ लाख ५१ हजार ६ सय ८६ युरो जम्मा भइसकेको छ ।
प्रतिक्रिया