काठमाडौँमा जारि माछापुच्छ्रे  बैंक कर्पोरेट सुपर सिक्सेस प्रतियोगिता अन्तर्गत प्रतियोगिताको अन्तिम दिन बुधवार सेमिफाइनल तथा फाइन खेल हुँदै छ ।

पहिलो सेमिफाईनलमा भारतीय दूतावास र एनसेल “ए” तथा दोस्रो सेमिफाईनलमा कामना सेवा बिकास बैंक र सिभल बैंक आमनेसामने हुदैछन् ।

क्वाटर फाईनल अन्र्तगत हिजो भएको पहिलो खेलमा एनसेल ए ले सेन्चुरी बैंकलाई ९ रन तथा दोस्रो खेलमा कामना सेवा बिकास बैंकले एनआआइसी एसिया बैंकलाई ३७ रनले हराउदै सेमिफाईनलमा आफ्नो स्थान सुरक्षित गरेका हुन् ।

त्यस्तै तेस्रो खेलमा सिभिल बैंकले मेगा बैंकलाई ४ विकेटले तथा चौथो खेलमा भारतिय दुताबासले प्राईम कर्मसियल बैंकलाई ३ विकेटले हराउदैँ सेमिफाईनल प्रबेश गरेका हुन् ।

अव हुने सेमिफाईनलका बिजेताले एकआपसमा फाईनल खेल खेल्नेछन् ।

फागनु तीन गते शनिबार देखि काठमाण्डौँको कीर्तिपूर स्थित त्रिभुवन अन्तराष्ट्रिय क्रिकेट रंगशालामा विभिन्न २३ कर्पोरेट टिम समेटेर संचालन भईरहेको माछापुच्छ्रे  बैंक कर्पोरेट सुपर सिक्सेस प्रतियोगिताको सिजन ६ को बिजेता घोषणा एंव समापन समारोह बुधवार नै हुनेछ ।