काठमाडौं– पूर्व पत्रकासमेत रहेका साझा पार्टीका अध्यक्ष रविन्द्र मिश्रले समाचार र विचारप्रति दूतावासले धम्की दिनु आपत्तिजनक भएको बताएका छन् ।

‘दी काठमाण्डू पोस्ट’एक दैनिक पत्रिकामा प्रकाशित विचारप्रति आपत्ति जनाउँदै चिनियाँ राजदूतावासले धम्कीपूर्ण भाषामा विज्ञप्ति जारी गरेको थियो । उक्त विचारमा प्रयोग गरिएको मास्क लगाएका माओको तस्वीमासमेत आपत्ति जनाउँदै दूतावासले पत्रिका प्रधान सम्पादकमाथि धम्कीपूर्ण विज्ञप्ति जारी भएको थियो ।

यसमाथि प्रतिक्रिया दिँदै पूर्व पत्रकार एवं साझा पार्टीका अध्यक्ष मिश्रले आपत्तिजनक भएको प्रतिकृया दिएका हुन् ।

उनले सामाजिक सञ्जालमा लेखेका छन्,‘पत्रिकामा प्रकाशित समाचार विचारप्रति विमति सर्वस्विकार्य अभ्यास हो तर अफ्नो विमति रहँदैमा दूतावासले धम्की नै दिन अत्यन्तै असामान्य, अकुटनीतिक, गैरजिम्मेवार र आपत्तिजनक विषय हो । यस्तो स्थिति आउनमा दूतावसको अगाडि लम्पसार पर्ने दशकौंको हाम्रो राजनीतिक चरित्र पनि कम जिम्मेवार छैन ।’