काठमाडौं – च्याम्पियन्स लिग फुटबलमा फ्रान्सेली क्लब पेरिस सेन्ट जर्मेन (पीएसजी) पराजित भएको छ ।

मंगलबार राति भएको अन्तिम १६ को पहिलो लिग खेलमा डर्टमण्डले पीएसजीलाई २–१ गोल अन्तरले हराएको हो ।

गत जनवरीमा जर्मन क्लब डर्टमण्ड आएका हालाण्डले च्याम्पियन्स लिगमा समेत गोल गर्ने गतिलाई निरन्तरता दिएका छन् ।

पहिलो हाफ दुवै टोलीले गोल रहित बराबरी खेले पनि १९ बर्षका नर्वेजियन खेलाडीले दोस्रो हाफको ६९ औं मिनेटमा गोल गर्दै टिमलाई अग्रता दिलाए ।

पीएसजीका नेयमारले ७५ औ मिनेटमा पाहुना टोलीका लागि बराबरी गोल फर्काए ।

लगत्तै दुई मिनेटपछि ब्यक्तिगत दोस्रो गोल गर्दै हालाण्डले डर्टमण्डका लागि विजयी गोल गरे । करिब चार खेलको बिश्रामपछि केलियन एम्बाप्पे समेत मैदान फर्किएका थिए । तर पनि खेल जित्न पीएजीले खेल जीत्न सकेन ।