विराटनगर– प्रदेश नम्बर १ को मन्त्रिपरिषद् विस्तार गरिएको छ ।

मुख्यमन्त्री शेरधन राईले मन्त्रिमण्डल विस्तार गरेका हुन् । उनले आइतबार चार राज्यमन्त्री नियुक्त गरेका छन् ।

अम्बिरबाबु गुरूङ, रामबहादुर मगर, जसमाया गजमेर र विजयकुमार विश्वासलाई मुख्यमन्त्री राईले राज्यमन्त्री नियुक्त गरेका हुन् ।

गुरूङ भौतिक पूर्वाधार विकास, मगर भूमि व्यवस्था, कृषि तथा सहकारी, गजमेर सामाजिक विकास र विश्वास उद्योग, पर्यटन, वन तथा वातावरण राज्यमन्त्री बनेका छन् ।

प्रदेश १ का निमित्त सचिव गोपीप्रसाद घिमिरेले अपराह्न एक विज्ञप्ति जारी गरी मुख्यमन्त्री राईले संविधानको धारा १६८ को उपधार (९) बमोजिम मन्त्री नियुक्त गरेको जनाएका छन् ।

यससँगै प्रदेश १ को मन्त्रिपरिषद् ९ सदस्यीय भएको छ ।