काठमाडौँ– पार्टीको आन्तरिक विषयमा छलफल गर्न नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड प्रधानमन्त्रीसमेत रहेका अध्यक्ष केपी शर्मा ओलीलाई भेट्न बालुवाटार पुगेका छन् ।

स्थायी समिति बैठकको पूर्वसन्ध्यामा भएको दुई अध्यक्षबीचको भेटलाई अर्थपूर्ण रुपमा हेरिएको छ । दुई अध्यक्षहरुबीच भएको सहमति कार्यान्वयनका सन्दर्भमा आजको भेटवार्तामा छलफल बालुवाटार स्रोतले जनाएको छ ।

पुस १ गते स्थायी समिति बैठक बस्नुअघि दुई अध्यक्षबीच संवैधानिक परिषदसम्वन्धी अध्यादेश फिर्ता लिने र संसद आव्हानका लागि राष्टपतिसमक्ष समावेदन प्रस्तुत गर्ने विषय फिर्ता गर्नेबारे सहमति भएको थियो ।

प्रचण्ड पक्षले सहमति कार्यान्वयन गर्दै राष्टपति समक्ष समावेदन गरेनन् भने अहिलेसम्म प्रधानमन्त्री ओलीले अध्यादेश फिर्ता लिने विषयमा पहल गरेको छैन ।