काठमाडौं – महानगरीय प्रहरी वृत्त कालिमाटीको हिरासतबाट ४ जना फरार भएका छन् । प्रहरी हिरासतमा रहेका उनीहरू बिहीवार राति हत्कडीसहित फरार भएका हुन् ।

गस्तीमा गएको प्रहरीको टोलीले चोरी गरेको आशंकामा प्रकाउ गरेका उनीहरूलाई आइसोलेसन जोनमा राखिएको थियो । राति कोरोना परीक्षण सम्भव नभएपछि हत्कडीसहित उनीहरूलाई आइसोलेसन जोनमै राखिएको थियो ।

प्रहरीका अनुसार आइसोलेसनबाटै उनीहरू फरार भएका हुन् । फरार हुनेमा अनिल जैसवाल, सुजित गुप्ता, अशु जैसवाल र रविन्द्र जैसवाल रहेका छन् ।

कोरोना परीक्षण नगरी हिरासतमा राख्न नपाउने भएकाले आइसोलेसन जोनमा राखिएको प्रहरीले जनाएको छ ।

कालिमाटी वृत्तका डीएसपी अपिल बोहराले उनीहरु फरार भएको स्वीकारे । उनले तरकारी र फलफूल गाडीबाटै चोरी हुने गरेको गुनासो आएपछि राति ३ बजे हिँडिरहेका उनीहरुलाई पक्राउ गरी ल्याइएको पनि उनले बताए ।