चितवन- चितवनमा मृत्यु भएकी एक महिलामा कोरोना पुष्टि भएको छ ।

जिल्ला स्वास्थ्य कार्यालय चितवनका प्रमुख दीपक तिवारीका अनुसार चितवनको खैरहनी नगरपालिका–३ की १०८ वर्षकी वृद्ध महिलामा मृत्यु पछि कोरोना पुष्टि भएको हो ।

ती महिलाको परिवारको एकजना सदस्यामा यसअघि नै कोरोना पुष्टि भएको थियो । परिवारको सदस्यामा कोरोना पुष्टि भएपछि गएराति ति वृद्धको घरमै मृत्यु भएको थियो ।

उनको मृत्युपछि कन्ट्याक ट्रेसिङको आधारमा कोरोना परीक्षण गरिएको र अहिले साँझ रिपोर्ट पोजेटिभ आएको स्वास्थ्य कार्यालयका प्रमुख तिवारीले खबरहबलाई बताए ।

“चितवनको एकजना १०८ वर्षकी महिलाको गएराति घरमै मृत्यु भयो, उहाँको परिवारको एकजना स्वास्थ्यकर्मीमा यसअघि कोरोना पोजेटिभ देखिएको थियो, उहाँको कन्ट्याक ट्रेसिङकै आधारमा कोरोना परीक्षण गर्दा अहिले रिपोर्ट पोजेटिभ आयो,” तिवारीले खबरहबसँग भने, “उहाँको शव घरमै भएकाले नेपाली सेनाको टोली व्यवस्थापनका लागि जाँदै छ ।”