काठमाडौं- कोरोना भाइरसको महामारीका कारण ओमानम अलपत्र परेका थप १ सय ४५ नेपाली नागरिक बिहीबार स्वदेश फर्किएका छन् ।
सलाम एअरको विमानमार्फत काठमाडौं आएका उनीहरुलाई काठमाडौंको धुम्बाराहीस्थित स्काई जोन पार्टी प्यालेसमा निर्माण गरिएको क्वारेन्टाइनमा राखिएको छ ।
ओमानमा नै उनीहरुको पीसीआर परीक्षण गरिए पनि नेपालमा उनीहरुले सरकारले तोकेको निश्चित मापदण्ड पूरा गर्नुपर्ने छ । उनीहरुलाई केही समय क्वारेन्टाइनमा राखेर सम्बन्धित प्रदेशमा पठाइने भएको छ ।
यस अघि गत असार १ गते ओमानमा अलपत्र परेका एक सय ६६ जना नेपाली कामदारको उद्दार गरिएको थियो ।
हेरौं भिडियो
प्रतिक्रिया