काठमाडौं । संघीय संसदको राष्ट्रियसभामा नेपालको संविधान संशोधन विधेयकमाथिको मतदान शुरु भएको छ ।
प्रतिनिधिसभाले सर्वसम्मत रुपमा पारित गरेको सविधान संशोधन विधेयकमाथि राष्ट्रियसभामा मतदान शुरु भएको हो । यसअघि आजै संसोधन विधेयकमाथिको दफावार छलफल सकिएको थियो । ५९ सदस्यीय राष्ट्रियसभामा अहिले ५८ जना सदस्य रहेका छन् ।
राष्ट्रियसभाले पारित गरेपछि संविधान संशोधन विधेयकलाई राष्ट्रपति कार्यालयमा प्रमाणिकरणका लागि पठाउने तयारी संघीय संसद सचिवालयको छ ।
नेपालको अद्यावधिक नक्सालाई नेपालको संविधानको अनुसुचीमा राख्न सरकारले संविधान संशोधन विधेयक संसदमा दर्ता गराएको थियो ।
प्रतिक्रिया