काठमाडौं – अमेरिकाको एट्लान्टामा प्रहरीको गोली लागेर मृत्यु भएका २७ वर्षीय रेशर्ड ब्रुक्सको घटनामा संलग्न प्रहरीलाई हत्याको अभियोगसहित मुद्दा दायर गरिएको छ ।

स्थानीय रेस्टुरेन्ट अगाडि पार्किङ्ग गरिएकै गाडीमा निदाएर बाटो अवरुद्ध भएपछि पुगेको प्रहरी देखेपछि भागेका ब्रुक्सलाई पक्राउ गर्ने क्रममा गोली चलाइएको थियो ।

सो घटनापछि प्रहरी ज्यादतीकाविरूद्ध संघर्ष चर्किएपछि उक्त प्रकरणमा संलग्न प्रहरीलाई हत्या अभियोगमा मुद्दा दायर गरिएको हो ।

गोली प्रहार गर्ने ग्यारेट रोल्फलाई पदबाट बर्खास्त गर्दै हत्यासहितका विभिन्न अभियोगमा मुद्दा दायर गरिएको छ ।

घटनास्थलमा रहेका अर्का प्रहरी अधिकारी डेविन ब्रोस्नानले प्रत्यक्षदर्शीका रुपमा बयान दिने बीबीसीले जनाएको छ ।