काठमाडौं- कोरोना संक्रमण देखिएका गुल्मीका ४१ वर्षका पुरुषलाई रुपन्देहीको क्रिमसन अस्पतालको भेन्टिलेटरमा राखेर उपचार भइरहेको छ ।

अस्पतालकी नर्सिङ प्रमुख अम्बिका ज्ञवालीका अनुसार ती पुरुषलाई अस्पतालको भन्टिलेटरमा राखेर उपचार भइरहेको जानकारी दिइन् ।

“कोरोना संक्रमण देखिनुभएका विरामीको स्वास्थ्य अवस्था गम्भीर छ । अहिले अस्पतालको भेन्टिलेटरमा राखेर उपचार भइरहेको छ,”उनले भनिन्, “कुनै पनि ट्राभल हिस्ट्रि नभएका उनलाई अस्पतालमा भर्ना गरिएको थियो । ती स्वाब गत शुक्रबार नै संकलन गरेर भैरवाह पठाइएको थियो तर आज मात्र रिर्पोट आउँदा कोरोना पोजेटिभ देखिएको छ। ”

रिर्पोट ढिलाइमा पनि समस्या देखिएको उनले गुनासो गरिन् । उनले अहिले अस्पताल सिल गरिएको जानकारी दिइन् ।

अस्पतालका एक कर्मचारीका अनुसार उनलाई साताअघि ज्वरो आएपछि अस्पताल भर्ना भएका थिए । उनी जेठ १ गते अस्पताल भर्ना भएका हुन् । ती पुरुष शिक्षक रहेको बताइएको छ ।

जन्डिस भएर उपचारको लागि रुपन्देही आएका उनलाई पहिलो दिन आईसीयूमा राखिएको थियो । दोस्रो दिन भेन्टिलेरमा राखेर उपचार गरिएको छ ।

उनको ‘यात्रा विवरण’ के थियो, उनलाई कोरोना कहाँबाट सर्‍यो भन्ने जानकारी ५ नम्बर प्रदेशको सामाजिक विकास मन्त्रालयले खोजी गरिरहेको छ ।