काठमाडौं– स्वास्थ्य मन्त्रालयलाई विभिन्न संघसंस्थाहरुले स्वास्थ्य सामग्री सहयोग गरेको छ ।
स्वास्थ्य मन्त्रालयका प्रवक्ता डाक्टर विकास देवकोटाका अनुसार लुम्बिनी हेल्थ केयर प्रालि र अन्तराष्ट्रिय नेपाली कलाकार समाजले स्वास्थ्य मन्त्रालयलाई स्वास्थ्य सामग्री सहयोग गरेको हो ।
डा देवकोटाका अनुसार लुम्बिनी हेल्थ केयर प्रालिले स्वास्थ्यकर्मीका लागि आवश्यक पर्ने पीपीई एक सय थान, पञ्जा १० हजार थान, सर्जिकल मास्क १० हजार थान र एन ९५ मास्क १ हजार थान सहयोग गरेको हो ।
यस्तै अन्तराष्ट्रिय नेपाली कलाकार समाजले पनि एन ९५ मास्क एक सय थान, थर्मल गन १० वटा, पीपीइ सेट ५० हजार र सर्जिकल मास्क २ हजार थान सहयोग गरेको छ ।
प्रतिक्रिया