काठमाडौं – कोरोना भाइरस संक्रमितलाई जलाइएपछि सफा गर्ने क्रममा पशुपति क्षेत्रमा रहेको विद्युतीय शवदाहमा प्राविधिक समस्या आएको छ ।
पशुपति क्षेत्र विकास कोषका अनुसार उक्त शवदाह गृहलाई पूर्ण स्यानिटाइज गर्नेक्रममा प्राविधिक समस्या आएको हो।
तर एक दुई दिनभित्रै सञ्चालनमा आउने दावी कोषको छ। यसअघि कोरोना भाइरसका कारण ज्यान गुमाउने पहिलो नेपालीका रुपमा २९ वर्षीया महिलाको शव शनिबार राति विद्युतीय शव दाह गृहमा अन्त्येष्टि गरिएको थियो।
यसैगरि पशुपति क्षेत्रमा रहेको किरिया पुत्री घर पनि बन्द गरिएको छ।
कोरोना भाइरस संक्रमण फैलन सक्ने जोखिम रहेको भन्दै किरियापुत्री घर बन्द गरिएको पशुपति क्षेत्र विकास कोषले जनाएको छ।
प्रतिक्रिया